Հետևեք մեր YouTube-յան ալիքին՝ «Ժամանց & Տեղեկատվություն»։ Ֆեյսբուքյան էջին՝ erkusov.com: Մենք՝ Ինստագրամում։
Ամուսինները ուրախությունից կորցրել էին իրենց, երբ տարիներ անց ծնվել էր նրանց առաջնեկը... բայց ինչ իմանային, որ… ինչու է կյանքը երբեմն այսքան դաժան լինում։
Ծնվել էր նրանց առաջնեկը: Կինը 10 տարի առաջ սրտի փոխպատվաստման վիրահատություն էր տարել։ Նրանք այլևս հույս չունեին, որ իրենց տանը մանկան ճիչ կլսվի ու կլսեն այնքա՜ն բաղձալի «հայրիկ», «մայրիկ» բառերը: Ու մի օր կինը արցունքն աչքերին գրկեց ամուսնուն ևասաց, որ իրենք երեխա են ունենալու: Այդ օրվանից սկսեցին պատրաստվել փոքրիկի լույս աշխարհ գալուն:
Եկավ այդքան սպասված օրը: Ծնվեց նրանց դուստրը և իր ճիչով այնպիսի ուրախություն պարգևեց ծնողներին, որ ուրախությունից կորցրել էին իրենց: Նորաթուխ հայրիկը մերթ կնոջն էր գրկում, համբուրում, մերթ փոքրիկին: Նա լուսանկարեց իր փոքրիկ հրեշտակին ու նկարը տեղադրեց համացանցում՝ կատարելով այս գրառումը.
«Ես աշխարհի ամենաերջանիկ մարդն եմ, այսօր ծնվեց իմ երեխան»: Սակայն մտքով չէր էլ կարող անցնել, որ մի քանի ժամ անց ամեն ինչ գլխիվայր շուռ է գալու, և նրա երջանկությունը շատ կարճ է տևելու:
Երեկոյան կողմ կինը հանկարծ գունատվեց ու սկսեց շնչահեղձ լինել, նրա մոտ շտապեցին բժիշկներն ու բուժքույրները: Ամուսինը տագնապած նայում էր նրանց ու շարունակ կրկնում էր. «Բայց նա իրեն լավ էր զգում»: Բժիշկները մտահոգված զննում էին կնոջը: Ամուսինը հետևում էր նրանց, փորձում էր հուսադրող որևէ բառ լսել կամ նրանց դեմքից կռահել, թե ինչ է կատարվում կնոջ հետ:
Հանկարծ կնոջ շնչառությունը հանգստացավ և ամուսնուն կանչեց իր մոտ. «Սիրելիս, խնդրում եմ լավ պահիր մեր փոքրիկին, նրան լավ դաստիարակիր, որ լավ մարդ դառնա, միշտ կպատմես իմ մասին ու կասես, որ նրան շատ եմ սիրում․․․ ու մի բան էլ, եթե ես կկարողանամ դոնոր լինել, չընդդիմանաս, հնարավոր է, որ ես կփրկեմ մեկ ուրիշ մոր կյանք, ով կկարողանա մեծացնել իր զավակներին։ Որքան կուզեի խնամել մեր փոքրիկին․․․ խնդրում եմ բեր նրան ինձ մոտ, ուզում եմ գրկել նրան»:
Ամուսինը դողացող ձեռքերով գրկեց փոքրիկին, մոտեցրեց կնոջն ու դրեց կրծքին: Փոքրիկն անուշ ժպտաց: Մայրը քնքուշ հայացքով նայեց մանկանն ու աչքերը փակեց․․․ Ամուսինը գլուխն առավ ձեռքերի մեջ ու սկսեց հեկեկալ:
Մեկ տարի անց նրա տան դուռը թակեց մի անծանոթ կին:
- Բարև ձեզ, ես եկել եմ իմ խորին շնորհակալությունը հայտնելու: Ձեր կնոջ շնորհիվ այսօր ես ողջ եմ, այսօր ապրում եմ նրա շնորհիվ: Ես դուստր ունեմ, որին կոչել եմ ձեր կնոջ անունով: Շնորհակալություն:
