Կին, ում հետ ուզում ես արթնանալ… (Հեղինակ՝ Էդուարդ Ասադով)

Հետևեք մեր YouTube-յան ալիքին՝ «Ժամանց & Տեղեկատվություն»։ Ֆեյսբուքյան էջին՝ erkusov.com: Մենք՝ Ինստագրամում։

 

Շա՜տ են նրանք, ում հետ կարող ես անկողին մտնել,
Ի՜նչ քիչ նրանք, ում հետ ուզում ես արթնանալ,
Առավոտյան բաժանվելիս՝ շրջվել,
Ձեռքով անել, ժպտալ,
Ու սրտատրոփ սպասել լուրի՝ ամբողջ մի օր:

Շա՜տ են նրանք, ում հետ կարող ես պարզապես ապրել,
Առավոտյան սրճել, խոսել, վիճել…
Ում հետ կարող ես ծովափ հանգստի մեկնել,
Եվ ընդունված կարգով. ուրախության ժամին թե տխրության՝
Լինել կողքին… ու չսիրել:

Ի՜նչ քիչ՝ նրանք, ում հետ ուզում ես երազել,
Նայել՝ ինչպես են երկնքում լողում ամպերը,
Առաջին ձյան վրա սիրո խոսքեր գրել,
Ու գիտակցել. լոկ նրա մասին են քո բոլոր մտքերը:
Առավել երջանկություն չճանաչել ու չերազել:

Ի՜նչ քիչ՝ նրանք, ում հետ լռում ես,
Ով հասկանում է կես խոսքից, կես հայացքից,
Ում ՝ նվիրել ափսոս չեն տարիներդ,
Ում փոխարեն՝ պարգև որպես,
Պատրաստ ես դիմանալ ցավին, կրել մահապատիժ…

Ու կրկնվում է շրջապտույտը.
Հեշտ հանդիպում են, բաժանվում անցավ,
Պարզ պատճառով. շա՜տ են նրանք, ում հետ կարող ես անկողին մտնել,
Ու քիչ նրանք, ում հետ ուզում ես արթնանալ:

 

 

***
Մի´ հեռացիր իմ երազից.
Դու հիմա այնպես անո՜ւշ ժպտում ես,
Ասես, նվիրել ես փորձում ինձ
Լույսի կտոր՝ հենց արևից,
Մի´ հեռացիր իմ երազից:

Մի´ հեռացիր իմ երազից.
Ձեռքերը, որ այնպես քնքուշ փարվել են,
Երկինքն ասես ծիածանել են,
Ու չկա առավել ոչինչ,
Մի´ հեռացիր իմ երազից:

Անցյալում՝ անվերջ տարածություն,
Հանդիպումների միջև՝ բաժանման կսկիծ,
Չապրված օրերի ցնծություն,
Մի հեռացիր իմ երազից:

Մի´ հեռացիր իմ երազից,
Հիմա, երբ վերջապես կողքիս ես,
Երբ ջերմ հայացք, ժպիտ ու սիրտ ես,
Ամենը բավարար չէ, քի´չ է ինձ,
Մի´ հեռացիր իմ երազից:

Մի´ հեռացիր իմ երազից,
Ու թող կորցրած հաջողությունը
Լացով ու ծիծաղով թակի մեր դուռը,
Չէ՞ որ հենց դա է կարևորը ամենից,
Մի´ հեռացիր իմ երազից:

Մի´ հեռացիր իմ երազից,
Ամեն գիշեր պատրանքներիս մեջ հայտնվիր,
Ցերեկը, կատակով անգամ, ինձ մի´ լքիր,
Ու չկա առավել ոչինչ,
Մի´ հեռացիր իմ երազից:

 

****

Ես կարող եմ քեզ շա՜տ սպասել,
Երկար-երկա՜ր, հավատարիմ-հավատարի՜մ,
Գիշերներն անքուն լուսացնել
Մեկ, երկու տարի, ողջ կյանք երևի…

Թո´ղ թերթերն օրացույցի
Պտտվեն (այգու) տերևների պես,
Միայն թե իմանամ՝ զուր չէ,
Որ, իրոք, պետք է քեզ:

Քեզ հետ, կողքիդ կանցնեմ
Ավազները, թավուտն անտառի,
Սարեր, արգելքներ,
Ցանկացած ճանապարհ,
Որ ծանոթ չէ անգամ սատանային:

Ամենը կանցնեմ անտրտունջ,
Ետևում կթողնեմ վախերը,
Միայն թե իմանամ՝ զուր չէ,
Որ չես լքի կեսճամփին:

Քեզ համար պատրաստ եմ տալ
Ամենն՝ ինչ ունեմ այսօր, վաղը,
Հանուն քեզ կընդունեմ աներկբա
Չար բախտի դառնահամը:

Երջանիկ կլինեմ ժամեժամ
Ողջ աշխարհը նվիրել քեզ,
Միայն թե իմանամ՝ զուր չէ,
Զուր չէ, որ սիրում եմ քեզ…

Թարգմանությունը ռուսերենից՝ Աղավնի Գրիգորյանի

Կիսվել...