Հետևեք մեր YouTube-յան ալիքին՝ «Ժամանց & Տեղեկատվություն»։ Ֆեյսբուքյան էջին՝ erkusov.com: Մենք՝ Ինստագրամում։
Այս բաղադրատոմսը մեկ անգամ փորձելուց հետո, վստահեցնում ենք, որ իսպառ կմոռանաք խանութում վաճառվող կիսաֆաբրիկատ պելմենիների մասին։ Պելմենիի դասական բաղադրատոմսի մեջ ներառված են ալյուր, աղ, ձու, եւ մի փոքր ջուր կամ կաթ։
450գր. ալյուրի համար պետք է վերցնել մեկ ձու եւ 200մլ. ջուր։ Ուշադրություն՝ ջուրը պետք է լինի սենյակային ջերմաստիճանի, եւ ոչ ավելի տաք, քանի որ այդ դեպքում խմորը շատ պինդ կստացվի։ Անմիջապես ավելացրեք աղն ու ձուն եւ սկսել խմոր հունցել։ Խմորից կարելի է մեկ գունդն առանձնացնել, ալյուր շաղ տալ եւ թողնել, որ խմորը հինգ րոպե հանգստանա։
Խմորը պատրաստ է։ Եթե ցանկանում եք, որ խմորն ավելի դեղին լինի, ապա կարելի է եւս մեկ ձու ավելացնել, բայց այդ դեպքում ջրի նշված քանակից պետք է մոտ 20մլ. ավել վերցնել։ Ճիշտ է, կարող եք անգամ երեք ձու լցնել, բայց սովորաբար մեկն էլ է բավարար։
