YouTube-յան ալիք՝ «Ժամանց & Տեղեկատվություն»։ FB էջ՝ erkusov.com: Մենք՝ TikTok-ում: Մենք՝ Ինստագրամում։
Փոփ-արվեստը մեզ սովորեցնում է, թե ինչն է այսօրվա «իրական» գեղեցկությունը` հաստ շրթունքներ, մոդելային կազմվածք, իսկ բացը կարելի է լրացնել վառ դիմահարդարման միջոցով` վրձնի մի քանի թափահարում, և դուք արդեն «արքայադուստր» եք:
Սակայն կնոջը հիասքանչ չեն դարձնում շրթներկը, ապարանջանը կամ նիհար կազմվածքը: Իրական գեղեցկությունն ավելին է, քան արտաքին տեսքը: Եվ այսպես… Ինչպիսի՞ն պիտի լինեն իրական գեղեցկուհիները:
1. Տարվածություն: Առանց սիրելի զբաղմունքների ու կրքի կինն անհետաքրքիր է: Հաճախ դժվար է գտնել ժամանակ ինքներս մեզ տրամադրելու համար: Բայց երբ Դուք որևէ բանով տարված եք, ունեք հոբբի, ապա դա փրկություն է: Վերադառնում եք ծանր աշխատանքային օրվանից հետո տուն և զբաղվում Ձեր սիրելի գործով: Իսկ հոգին երգում է… Կյանքը չի սահմանափակվում միայն աշխատանքով: Տարված մարդուն կարելի է տարբերել ամբոխից. նրա աչքերը փայլում են առանձնահատուկ:
2. Հոգևոր ջերմություն: Սառը, էգոիստ կանայք միայն սիրում են իրենք իրենց: Իհարկե, յուրաքանչյուրը պիտի սիրի ինքն իրեն, սակայն քչերին են հաճելի ինքնասիրահարվածները: Եթե կինը չի կարող հոգ տանել, օգնել, աջակցություն ցուցաբերել, ապա ո՞վ կաջակցի հենց նրան… Իսկ մեզ հայտնի փաստ է` մարդը հասարակության մի մասն է: Հոգևոր ջերմությունը գրավում է մարդկանց, ինչպես մագնիս..
3. Մտածողություն/ինտելեկտ: Մեր մշակույթում դեռ շարունակում է գերիշխել այն կարծիքը, թե իրենց հետևող, գեղեցիկ կանայք հիմարիկ են: Կարծրատիպն ունի երկու կողմ, այսինքն` խելացի կանայք տգեղ են, նրանց համար գոյություն ունեն միայն աշխատանքը, գիտելիքն ու կարիերան, իսկ իրենց հետևելու համար ժամանակ չեն գտնում: Տարօրինակ կարծրատիպեր են: Դա նույնն է, ինչ գրողը երբեք գիրք չկարդա, կամ ամեն մեկս գոչենք, որ աշխարհին չենք ուզում հասկանալ, թող աշխարհը մեզ հասկանա: Արդեն իսկ գիտելիքի ձգտելն ու խելացի լինելը սեքսուալության չափանիշ են:
4. Դրական էներգիա: Ոչ ոք չի սիրում փնթփնթան, բացասական էներգիա հաղորդող մարդկանց: Իհարկե, դա չի նշանակում, որ կինը միշտ պիտի լինի հիանալի տրամադրությամբ. կյանքում շատ են պատահում տհաճություններ, երբ տխուր լինելը բնական է: Բայց ամեն բան ավարտ ունի: Հարկավոր է ժամանակ գտնել, հավաքել ուժերը ու նորից ժպտալ աշխարհին:
5. Հաստատակամություն: Կանայք, ովքեր ձեռքերը երբեք վայր չեն գցում, հրաշք են: Հաստատակամություն ամենում` հարաբերությունների մեջ, կարերայում, սպորտում… Աշխարհը սիրում է մարտիկներին:
6. Ինքնավստահություն սեփական ուժերի հանդեպ: Ինքնավստահ կինը գիտի իր արժեքը: Նա լուռ հպարտանում է նրանով, թե ինչ տեսք ունի, ինչ կեցվածք, խելք ու խոսելաոճ: Նա ընդունում է ինքն իրեն ու իսկապես ինքնաբավ է: Դա գեղեցիկ է:
7. Ապրելու ցանկություն: Իրականում ապրելու ցանկությունը վերը թվարկածների հավաքական գիծն է: Երբ կինը տարված է, կրքոտ, խելացի, ուրախ, սեքսուալ ու ինքնավստահ է, նա հիասքանչ է: Նա դառնում է կայծ ու վառում շրջապատողների սրտերը:
