Այն համարվում է սպիտակ ոսկի. Ահա թե ինչ է տալիս օրգանիզմին մեկ կտոր կարագը

Երբեմն պնդում են, որ կարագը պարունակում է խոլեստերին, վնասակար է կազմվածքի համար, և դա է պատճառը, որ այն կորցրել է ճաշացանկում իր առաջնահերթ տեղը: Հարկ է նշել, որ այս մթերքը Տիբեթի բնակիչների ամենահարգի ուտելիքներից է: Վստահ ենք՝ դուք գիտեք նրանց երկարակեցության մասին:

Իրականում կարագը օրգանիզմի համար իսկապես շատ օգտակար է: Հաճախ արտադրողները կարագին ավելացնում են բուսական յուղեր ու մարգարին, և հենց այդ պատճառով էլ այս մթերքը վատ համբավ է ձեռք բերել:

Կարագի որակը.

Որպեսզի կարագը առողջությանը վնաս չպատճառի, այն պետք է լինի որակյալ: Այսօրվա արտադրողն արդեն սովորել է կարագ պատրաստել ամենաանորակ հումքից և ավելացնել բուսական յուղեր: Դրա համար պետք է իմանալ, թե ինչպես ընտրել որակյալ ապրանք:

1. Պետք է իմանալ երկրում կարագի ու մարգարինի համարանիշը: Ոչ ճիշտ համարանիշի դեպքում այն գնել չի կարելի:

2. Կարագը պետք է պահվի 6 աստիճան պայմաններում, 30-35 օր: Ավելի երկար պահպանման ժամկետի դեպքում այն ունի հավելումներ:

3. Նախապատվությունը տվեք փայլաթիթեղով փաթեթավորված ապրանքին: Լույսի տակ այն դեղնում է և կորցնում վիտամին A-ն:

4. Շուկայից կարագ գնելու դեպքում առանց ամաչելու փորձեք այն: Կարագը պետք է բերանում անմիջապես հալվի և չկպչի ատամներին: Ուշադրություն դարձրեք կտրվածքին՝ այն պետք է փայլի:

5. Կարագը լինում է բաց դեղնավուն, ձմռանը գույնն ավելի բաց է: Դա պայմանավորված է խոտի որակով: Այն պետք է չլինի ո՛չ դեղին ո՛չ սպիտակ:

6. Բնական կարագը շատ հեշտ է քսվում հացին․ եթե այն փշրվում է, ապա ջրի պարունակությունը շատ է:

7. Տնային պայմաններում կարելի է կատարել հետևյալ փորձը.

Մեկ կտոր կարագը գցել եռման ջրի մեջ: Որակյալ կարագը լուծվում է և դառնում միասեռ, իսկ վատ կարագը գնդվում է:

Ահա մի քանի ծանրակշիռ պատճառներ, որ արժե կարագ օգտագործել:

1. Կարագը վիտամին A-ի հեշտ ընկալվող աղբյուր է, որն անհրաժեշտ է մակերիկամների և վահանաձև գեղձի աշխատանքների համար:

2. Օգտագործումը կանխում է ավելորդ քաշի առաջացումը: Դրա մեջ մտնող ճարպաթթուները օրգանիզմի համար էներգիայի աղբյուր են: Կարագն ուտելուց հետո միանգամից հագենում ես, և սովի զգացողությունը վերանում է

3. Կարագը յոդի աղբյուր է:

4. Լավացնում է աղեստամոքսային համակարգի աշխատանքը: Երեխաների դեպքում կանխում է փորլուծությունը, իսկ մեծերի մոտ՝ փորկապությունը:

5. Կարագ օգտագործող մարդկանց մոտ կաթվածի ռիսկը փոքրանում է:

6. Կարագի ճարպաթթուներն օգնում են A, D, E, K վիտամինների յուրացմանը: Խորհուրդ է տրվում ճաշերը պատրաստել ոչ թե ձեթով, այլ կարագով (եթե ֆինանսական վիճակը ներում է): Որպեսզի կարագը չայրվի կարելի է ավելացնել ձիթապտղի (զեյթունի) ձեթ:

7. Կարագը հարուստ է հակաօքսիդանտներով, որոնք կանխում են քաղցկեղն ու աթերոսկլերոզը:

Կիսվել...