Երբ օրգանիզմին չի բավարարում ֆոլաթթվի մակարդակը

Ֆոլաթթուն B վիտամինի տեսակ է, որն անհրաժեշտ է օրգանիզմի նորմալ կենսագործունեության համար:

Դրա մակարդակն օրգանիզմում նվազում է հիմնականում սննդակարգում համապատասխան մթերքի բացակայության պատճառով: Ֆոլաթթվի անբավարար մակարդակի պատճառ կարող են լինել նաև մի շարք հիվանդություններ, ինչպես նաև՝ որոշակի դեղամիջոցների ընդունումը:

Խոցեր բերանում և լեզվի այտուցվածություն: Այս նշանները նախորդում են անեմիային: Լեզուն այտուցվում է, դառնում կարմիր կամ փայլուն: Բերանի խոռոչում խոցեր են առաջանում:

Համի զգացողության կորուստ: Ֆոլաթթվի անբավարար մակարդակի դեպքում մարդը կորցնում է համի զգացումը:

Աղեստամոքսային հիվանդություններ: Անեմիան հաճախ հանգեցնում է աղիների հետ կապված խնդիրների՝ առաջացնելով փորկապություն կամ դիարեա:

Մշտական հոգնածություն, թուլություն, գունատություն: Օրգանիզմին էրիթրոցիտներ են անհրաժեշտ՝ թթվածինն ամբողջ մարմնին և մկանային հյուսվածքներին հասցնելու համար: Ֆոլաթթուն նպաստում է էրիթրոցիտների արտադրմանը, իսկ դրա անբավարար մակարդակը հանգեցնում է ֆոլաթթու պակասորդային անեմիայի:

Շնչահեղձություն, գլխապտույտ: Այս երկու նշանները, ինչպես նաև գիտակցության կորուստը կարող են վկայել ֆոլաթթվի անբավարար մակարդակի մասին:

Ուշադրության կենտրոնացման խնդիր: Ֆոլաթթվի անբավարար մակարդակի հետևանքով կարող եք ցրված, մոռացկոտ դառնալ: Գրգռվածությունը ևս վկայում է այս խնդրի մասին:

Ցավ մարմնում: Ֆոլաթթու պակասորդային անեմիան կարող է հանգեցնել ցավի ոտքերում և կրծքերում, ինչպես նաև՝ գլխացավ առաջացնել:

Կիսվել...