Ինչպես է քույրերին հաջողվում խուսափել ավտոբուսում բռնաբարության զոհ դառնալուց (տեսանյութ)

Տեսանյությում երևում է, թե ինչպես են երկու քույրերը ավտոբուսում դիմադրում տղամարդկանց, որոնք փորձում են սեռական ոտնձգություններ կատարել նրանց նկատմամբ, հաղորդում է NDTV-ը:

Ավտոբուսի մյուս ուղեւորները հանգիստ հետևել են, թե ինչպես են քույրերը հանցագործներին գոտիով ծեծում: Ուղևորներից մեկը նկարահանել է տեղի ունեցածը և տեղադրել համացանցում:

Ավելի ուշ 22-ամյա Արատին և 19-ամյա Պուջին պատմել են, որ քննություններից վերադառնալիս ավտոբուսում 3 տղամարդ սեռական ոտնձգություններ են կատարել իրենց նկատմամբ: Աղջիկներն ասում են, որ ուղևորները և վարորդը տեսել են, թե ինչ է կատարվում, սակայն ոչինչ չեն ձեռնարկել: Աղջիկներից մեկը հանել է գոտին ու ծեծել տղամարդկանց:

Տեսանյութի՝ համացանցում հայտնվելուց հետո ոստիկանությունը ձերբակալել է այդ տղամարդկանց: